Мінімізуем рызыку кампаніі праз праграмнае забеспячэнне: ад выбару да закупкі

Хібы ў бізнес-працэсах ствараюць умовы для ўзнікнення рызыкі ў працы кампаніі: нерацыянальна скарыстаны час, калі сілы юрыста марнуюцца на механічныя аперацыі, згубленая інфармацыя (да-дзеныя, што з’яўляюцца доказамі) перашкаджаюць належнай абароне інтарэсаў, прыводзяць да невыканання працэдурнасці і парушэння тэрмінаў.

Прапануем да абмеркавання ідэі аб магчымасці мінімізацыі прававой рызыкі праз выкарыстанне пэўнага праграмнага забеспячэння. У артыкуле таксама будуць разгледжаны пытанні выбара і набыцця праграмных сродкаў: замаўляць распрацоўку «з нуля» альбо купіць ужо гатовы прадукт, як зладзіць закупку патрэбнага прадукту і як выбудаваць дамоўныя стасункі, на што звярнуць увагу пры камунікацыі з контрагентам.

Гриняк Ольга

магистр юридических наук, юрист ООО «Исида-Информатика»

66 Shape 1 copy 6Created with Avocode.

Выкарыстанне спецыялізаванага праграмнага забеспячэння

Да найбольш вядомых і ўжо звыклых у працы сучаснага юрыста накірункаў прымянення праграмнага забеспячэння можна аднесці выкарыстанне разнастайных прававых баз, якiя скіраваны на аптымізацыю пошуку патрэбнай для працы інфармацыі. Але гэта далёка не адзіны кірунак выкарыстання спецыялізаванага праграмнага забеспячэння для абароны пазіцый кампаніі.

Не будзем адмаўляць: значную частку нашай працы займаюць пошук і аналіз актуальнай інфармацыі з так званых знешніх крыніц, аднак разам з тым нямала сіл і намаганняў можна прыкладаць для высвятлення ўсіх юрыдычна значных абставін у межах самой юрыдычнай асобы. Асабліва выразна гэта праблема заўважаецца менавіта ў будаўнічай сферы, дзе пытанне вялікіх аб’ёмаў дакументазвароту стаіць даволi востра.

66 Shape 1 copy 6Created with Avocode.